唔知係咪因為畢業將至，人人第一句砍頭就問：「你諗住畢業後繼續做演員，定玩音樂？」「有冇諗過搵份正職？」「你而家仲有時間玩，但差唔多要做嘢。」我真係開始有啲猶豫，係咪我唔夠努力證明自己可以繼續做到？定係我似玩玩下？
講到呢到，諗起我唱歌老師突然問我，你其實玩音樂或者做演員為咗乜？我前後答過「為咗留低啲生存痕跡」「可能可以令個世界好啲」「想挑戰自己」「想睇下自己極限到邊」等等既答案，其實認真諗，通通都唔係最重要既原因。
我做呢啲嘢純粹因爲佢好有趣，好似肚餓好想食飯。冇咩深明大義，最原始的原因，純粹鍾意佢。咁有冇話鍾意演戲定音樂多啲，嗯，真係冇得咁講。我好鍾意分享，好鍾意大家可以一齊感受到我感覺到的有趣同快樂。音樂同演戲都一樣做到，兩個都好過癮。但諗返之後生活係點，我又問自己係咪應該真係搵個時間要停。
但啱啱睇完Free solo，我覺得好舒暢。鍾意就鍾意，會本咗條命去做，唔係為咗比人睇，唔係為咗錢定名聲，純粹因爲好鬼想做到。
OK，繼續做，冇有怕👌👌
Search